Wednesday, February 1, 2012

مهرجان دبي للتسوق 2012

مثل كل سنة، يطل علينا مهرجان دبي للتسوق (5 يناير- 5 فبراير) بحلة جديدة ومجموعة مذهلة من العروض الترفيهية، الفعاليات، المسابقات، الجوائز وطبعاً الخصومات. وبما أن الخصومات مغرية بشكل يصعب مقاومته، شفنا الكثير من الزوار اللي يجوا خصيصاً للتسوق خلال هالفترة. كمحبات للعبايات، ما قدرنا نفوت الفرصة و رحنا لدبي مول عشان نشوف آخر كوليكشنز و العروض المذهلة الموجودة عليها.



أحلى العبايات اللي لقيناها في دبي مول كانت في "لارين "، صالة عرض تجمع كولكشنز مختلفة لعدة مصممات، "حناين" اللي يعتبر من المحلات الرائدة في تصميم العبايات وأشهرها تقريباً في دولة الإمارات يقدم حالياً تخفيضات توصل إلى 65% في فترة المهرجان، "لمسة" واللي يتميز بإضافة اللمسات السعودية في تصاميمه للعبايات يقدم تخفيضات تصل إلى 50% و لا ننسى طبعاً "دار موزان " للمصممة المبدعة رفيعة هلال بن دري.



 الملفت للإنتباه في موضة العبايات الحالية انها بدأت تركز على إضافة الأقمشة الملونة أو المنقوشة بدل الزينة أو التطريز، وشفنا الكثير من المخمل والحرير في أغلب الكوليكشنز الجديدة.

أكيد أن تسوق العبايات ما يكتمل بدون إضافة الاكسسوارات، الأحذية والشنط! هذي بعض المحلات اللي لقينا فيها اشياء رائعة:

· Dune - الأحذية والشنط (50%)

· Forever21 - الاكسسوارات (70%)

· Swarovski - الاكسسوارات والساعات (40%)

· Valencia – الأحذية (75%)

· Zara – الأحذية والشنط (70%)



هذي كانت جولتنا في دبي مول! من فيكم صديقاتنا تسوقت خلال المهرجان؟ وايش الاشياء اللي جبتوها؟




Images

No comments:

Post a Comment